A partir da información recollida e creada nas tarefas previas, en grupos de 4 persoas, organizade a elaboración dunha presentación informática sobre unha das linguas da Península Ibérica (a que vos asignara a persoa docente).

PASOS A SEGUIR

1. Revisade todos os documentos vistos nesta secuencia didáctica.
2. Repasade a rúbrica para a Avaliación de presentacións informáticas.
3. Acordade o reparto do traballo, tendo en conta que a presentación debe constar de 4 partes: 
   1. características da lingua (información obtida nas TP5 e TP6)
      
   2. historia social da lingua (información obtida na TP4 e nos hiperenlaces da TP5)
      
   3. situación social na actualidade (información obtida nas TP3 e TP6)
      
   4. exemplos de documentos escritos (literatura) e orais (música actual) (información que deberedes procurar vós)
      
4. Reunide toda a información necesaria para cada unha das partes do traballo.
5. Esbozade graficamente, a través dun story board, as diapositivas da vosa presentación.
   
6. Respectade na presentación o seguinte guión:
   
   1. Portada (1 diapositiva)
   2. Índice (1 diapositiva)
   3. Introdución (presentación do asunto: Unha das linguas da Península Ibérica) (1 diapositiva)
   4. Desenvolvemento:
      1. características da lingua (2 diapositivas)
      2. historia social da lingua (2 diapositivas)
      3. situación social na actualidade (2 diapositivas)
      4. exemplos de documentos escritos (literatura) e orais (música actual) (2 diapositivas)
   5. Conclusión (1 diapositiva)
      
   6. Fontes de información. Hiperenlaces. (1 diapositiva)
7. Engadide imaxes libres e pertinentes que ilustren os contidos, cunha hiperligazón á páxina na que foron atopadas.
   
8. Editade a presentación (tipo e tamaño de letra, fondo, movemento, distribución de texto e imaxe...), dándolle o voso estilo persoal.
   
9. Elaborade un guión a partir da presentación para preparar a vosa exposición oral.
10. Descargade a presentación en pdf e envíadea á docente seguindo as Indicacións do Caderno TIL. Envíade tamén nese correo un hiperenlace ao documento dixital.

Preparade, no grupo de 4 persoas, a vosa exposición oral planificada, apoiándovos na presentación da TF1, arredor de As linguas da Península Ibérica.

PASOS A SEGUIR:

1. Repasade a presentación.
2. Preparade o guión.
3. Revisade a rúbrica de avaliación.